ជំងឺកូវីដ១៩ បានឆក់យកជីវិតមនុស្សជិត ៦.៩លាននាក់ នៅទូទាំងសកលលោក។ លើសពីនេះ ក្នុងការឆ្លងកូវីដ១៩ អ្នកជំងឺទទួលរងផលប៉ះពាល់លើសុខភាពជាច្រើន ទាំងអំឡុងពេលឆ្លង និងក្នុងពេលជាសះស្បើយ។ ការសិក្សាថ្មីរកឃើញថា ទារកក្នុងផ្ទៃ អាចជាជនរងគ្រោះធំមួយ នៃជំងឺកូវីដ១៩។

របាយការណ៍ថ្មីមួយរបស់អ្នកស្រាវជ្រាវ នៅសកលវិទ្យាល័យ Miami ចុះផ្សាយនៅថ្ងៃទី០៦ ខែមេសា ឆ្នាំ២០២៣ បង្ហាញ​ថា ទារក ២នាក់ បានទទួលរងបញ្ហាខួរក្បាល អំឡុងពេលនៅក្នុងផ្ទៃម្ដាយ ដោយសារម្ដាយ ចាក់វ៉ាក់សាំងកូវីដ១៩។ អ្នកវិទ្យាសាស្ត្រ​​ជឿថា ករណីប្រភេទនេះ ជាករណីដំបូង ហើយមានពាក់ព័ន្ធនឹងវ៉ាក់សាំងកូវីដ។

ទារកទាំងពីរ ​ត្រូវបានផ្ដល់កំណើត ដោយម្ដាយវ័យក្មេងម្នាក់ ដែលបានផ្ទុកកូវីដ១៩ ក្នុងត្រីមាសទីពីរ ដែលក្នុងពេលនោះ កូវីដ​ ប្រភេទដែលតា កំពុងឆ្លងខ្លាំងបំផុត ក្នុងឆ្នាំ២០២០ ហើយមិនទាន់មានវ៉ាក់សាំងប្រឆាំងនៅឡើយ។ នៅពេលទារកកើតថ្ងៃដំបូង ទារកទាំងពីរ មានរោគសញ្ញា ប្រកាច់។ រយៈពេលជាច្រើនថ្ងៃបន្ទាប់​ គេឃើញថា ទារកទាំងនេះ មានការលូតលាស់យឺត កម្រិត​ធ្ងន់ធ្ងរ។ ឈានចូលដល់អាយុ ១៣​ខែ ទារកម្នាក់ បានស្លា.ប់បាត់បង់ជីវិត ឯទារកម្នាក់ទៀត កំពុងស្ថិតក្នុងការថែទាំនៅ​មន្ទីរពេទ្យ។

ផ្អែកតាមការបកស្រាយរបស់ក្រុមអ្នកស្រាវជ្រាវ ទារកទាំងពីរ មិនមានផ្ទុកកូវីដ១៩ ឡើយ ប៉ុន្តែពួកគេ មានអង្គបដិប្រាណ​កូវីដ​១៩ ក្នុងឈាមរបស់ពួកគេ ក្នុងកម្រិតដ៏ខ្ពស់។ នោះគឺដោយសារតែសុករបស់​ម្ដាយ មានផ្ទុកវីរុសកូវីដ១៩។

ប៉ុន្តែ​អ្នកស្រាវជ្រាវ ក៏បានលើកទឹកចិត្ត​ដល់ស្រ្តីមានផ្ទៃពោះ ឱ្យសម្រេចចិត្ត និងរួសរា​ន់ចាក់វ៉ាក់សាំងកូវីដ១៩ ដើម្បីបង្ការផលប៉ះពាល់ ដូចបែបនេះ និងករណី​ផ្សេងៗ ទៀត៕

ប្រភព៖ CNA https://www.channelnewsasia.com/international

រក្សាសិទ្ធិ©ដោយ៖ ពេទ្យយើង