ការស្រាវជ្រាវបង្ហាញថា ជាតិអាល់កុល ផ្ដល់ផលប៉ះពាល់ច្រើនណាស់ ដល់សុខភាពអ្នកទទួលទាន។ ប៉ុន្តែ​នៅតែមានអ្នកទទួលទាន មិនស្រាកស្រានឡើយ​។ ក្រៅពីផ្ដល់ជាតិពុលដល់រាងកាយ ជាតិអាល់កុល ដែលមានក្នុងស្រា ឬស្រាបៀ ធ្វើឱ្យខូចខួរក្បាល។ មិនគួរភ្លេចនោះទេថា វាក៏បង្កជំងឺរ៉ាំរ៉ៃច្រើនប្រភេទ និងបង្កគ្រោះថ្នាក់ របួសស្នាម និងហានិភ័យដល់អាយុជិវិតទៀតផង ប្រសិនបើអ្នកបើកបរ ក្នុងស្ថានភាពស្រវឹង។ យោងតាមគេហទំព័រ Northwestern Medicine ការផឹកស្រា ចាប់ពី ៣កែវឡើង​ទៅ ក្នុង ១ថ្ងៃ គឺជាការប្រមឹក ហើយខូចសុខភាពខ្លាំងណាស់។

ការប្រមឹក សម្រាប់ស្ត្រី គឺចាប់ពី ៣កែវឡើងទៅ ក្នុង ១ថ្ងៃ ឬស្មើនឹង ៧កែវ ក្នុង ១សប្ដាហ៍។ ចំណែកឯបុរស គឺចាប់ពី ៤កែវឡើងទៅ ក្នុង ១ថ្ងៃ ឬ ១៤កែវ ក្នុង ១សប្ដាហ៍។ បរិមាណជាតិស្រវឹងប៉ុនហ្នឹង គឺជាការប្រមឹកស្រា ដែលមានផលប៉ះពាល់រយៈពេលវែង ទៅលើសុខភាព​។

ផលប៉ះពាល់នៃការទទួលទានគ្រឿងស្រវឹង លើសុខភាពរយៈពេលវែង៖

១. មានបញ្ហាផ្លូវចិត្ត៖ ជំងឺបាក់ទឹកចិត្ត និងជំងឺថប់បារម្ភ

២. ខូចខួរក្បាល ព្យាបាលមិនជា

៣. ប្រឈមខ្លាំងនឹងជំងឺមហារីក

ទោះជាយ៉ាងណា គេហទំព័រ Northwestern Medicine ក៏បានបង្ហាញដែរថា ប្រសិនបើអ្នកប្រមឹក ផ្អាកទទួលគ្រឿងស្រវឹងរយៈពេល ១ឆ្នាំ រាល់បញ្ហាខួរក្បាលមួយភាគធំ នឹងត្រឡប់មករកភាពធម្មតាវិញ ឬមានស្ថានភាពប្រសើរជាងមុន៕

ប្រភព៖ Northwestern Medicine https://www.nm.org/

រក្សាសិទ្ធិ©ដោយ៖ ពេទ្យយើង