Press release detail

  • Jun 19 , 2020

    កម្មវិធី Smart Hospital e-HEALTH YOEUNG នឹងត្រូវបានដាក់ឲ្យដំណើរការនៅ មន្ទីរពេទ្យព្រះអង្គឌួងដំបូងគេ

    ភ្នំពេញ - ២២ មិថុនា ២០២០៖ កម្មវិធីមន្ទីរពេទ្យ​ Smart Hospital e-Health Yoeung ជាដំណោះស្រាយបែបឌីជីថល សម្រាប់អ្នកជំងឺ និងវេជ្ជបណ្ឌិត ក្នុងការ​​គ្រប់គ្រងកំណត់ត្រាប្រវត្តិព្យាបាល និងការណាត់ជួប​​ដោយស្វ័យប្រវត្តិនៅលើទូរស័ព្ទដៃនិងកាតឌីជីថល ដំបូងគេនៅកម្ពុជា ដែលនឹងត្រូវដាក់សម្ពោធឲ្យប្រើប្រាស់ នៅមន្ទីរពេទ្យព្រះអង្គឌួងនៅសប្តាហ៍ក្រោយនេះ។

    ព្រឹត្តិការណ៍៖ សម្ភោធ និងដាក់ឲ្យប្រើប្រាស់កម្មវិធី Smart Hospital e-Health Yoeung ​នៅមន្ទីរពេទ្យព្រះអង្គឌួង

    ពេលវេលា៖ ម៉ោង ៨ ព្រឹក ថ្ងៃទី ២២ ខែមិថុនា ឆ្នាំ ២០២០

    ទីកន្លែង៖ មន្ទីរពេទ្យព្រះអង្គឌួង

    អ្នកចូលរួមបើកពិធី៖ រដ្ឋមន្ត្រីក្រសួងសុខាភិបាល ឯកឧត្តមសាស្ត្រាចារ្យ ម៉ម ប៊ុនហេង  ថ្នាក់ដឹកនាំនិងបុគ្គលិកមន្ទីរពេទ្យព្រះអង្គឌួង ប្រធាន និងក្រុមការងារកម្មវិធីគ្រប់គ្រងមន្ទីរពេទ្យឌីជីថល «ពេទ្យយើង» និង​e-Health Yoeung

    កម្មវិធី Smart Hospital e-Health Yoeung គឺជាកម្មវិធីគ្រប់គ្រងកំណត់ត្រាប្រវត្តិព្យាបាល និងការណាត់ជួប​​របស់អ្នកជំងឺជាមួយវេជ្ជបណ្ឌិតនៅលើទូរស័ព្ទដៃ និង កាតឌីជីថល e-Health Yoeung

    ទាំងកាត និងកម្មវិធីសុខភាពលើទូរស័ព្ទដៃ e-Health Yoeung App មានមុខងារសំខាន់ដែលមានអត្ថប្រយោជន៍ជាច្រើនដល់អ្នកជំងឺ និង វេជ្ជបណ្ឌិត។ នៅក្នុងកម្មវិធីលើទូរស័ព្ទដៃ មានមុខងារដូចជា ការគ្រប់គ្រងកំណត់ត្រាប្រវត្តិជំងឺ ការណាត់ជួបនិងប្រព័ន្ធរំលឹកណាត់ជួបពេទ្យស្វ័យប្រវត្តិ ការគ្រប់គ្រងព័ត៌មានផ្ទាល់ខ្លួន ការអានអត្ថបទគន្លឹះថែទាំសុខភាពប្រចាំថ្ងៃ ព្រមទាំងព័ត៍មានថ្មីៗពីក្រសួងសុខាភិបាល និងស្ថាប័នជំនាញនានាក្នុងវិស័យសុខាភិបាល។

    ចំណែក កាតឌីជីថល​ e-Health Yoeung មាន លេខកូដកាតចំនួន ១៦ខ្ទង់ និង QR កូដមួយដែលតំណាងឲ្យអ្នកជំងឺម្នាក់ៗ។ អ្នកជំងឺដែលមានកាតមួយនេះ នឹងអាចទទួលបានកំណត់ត្រាវេជ្ជសាស្ត្ររបស់ខ្លួនពីមន្ទីរពេទ្យផ្សេងដែលពួកគាត់ធ្លាប់ទៅដោយស្វ័យប្រវត្តិគ្រាន់តែចុះឈ្មោះកាតរបស់ពួក

    គាត់នៅមន្ទីរពេទ្យនោះតែប៉ុណ្ណោះ។ ជាពិសេស ក្រោយពីមានកាត និងប្រើប្រាស់កម្មវិធីលើទូរស័ព្ទដៃ e-Health Yoeung App ពួកគាត់អាចទៅព្យាបាលនៅមន្ទីរពេទ្យ ហើយរបាយការណ៍ការព្យាបាលទាំងអស់នឹងបង្ហាញដោយស្វ័យប្រវត្តិទៅក្នុងទូរស័ព្ទដៃរបស់គាត់។

    កម្មវិធីប្រព័ន្ធគ្រប់គ្រងមន្ទីរពេទ្យឌីជីថល «ពេទ្យយើង» មានចក្ខុវិស័យចូលរួមចំណែកក្នុងការអភិវឌ្ឍសេវាសុខាភិបាលឌីជីថលនៅកម្ពុជាតាមរយៈប្រើប្រាស់បច្ចេកវិទ្យាទំនើបជាមួយនឹងរាជរដ្ឋាភិបាល

    តាមរយៈក្រសួងសុខាភិបាល និងមន្ទីរពេទ្យរដ្ឋ ឯកជននានា ដើម្បីសុខភាពពលរដ្ឋ និង អ្នកមកទទួល សេវាព្យាបាលទាំងអស់ នៅតាមមន្ទីរពេទ្យរដ្ឋ និងឯកជននៅកម្ពុជា៕

    សម្រាប់ព័ត៌មានបន្ថែម

    លោក ប៊ិន សុជាតិ 

    ទីប្រឹក្សាគ្រប់គ្រងអាជីវកម្ម

    កម្មវិធីប្រព័ន្ធគ្រប់គ្រងមន្ទីរពេទ្យឌីជីថលពេទ្យយើង

    ក្រុមហ៊ុនហ្វឺសវីម៉ិនថេកអេស៊ា 

    លេខទូរស័ព្ទ៖ + ៨៥៥១២៩៩៥២២៦ ​/ +៨៥៥១៥ ៥៥០ ៤១៦ ឬ Telegram/WhatsApp: + ៨៥៥១២៩៩៥២២៦

    អ៊ីម៉ែល៖ [email protected]

    អាស័យដ្ឋាន៖ ផ្ទះលេខ ១៥D ផ្លូវលេខ ០៣ (កែងផ្លូវ ២៣០) សង្កាត់ទឹកល្អក់៣ ខណ្ឌទួលគោក ភ្នំពេញ

    Website: www.pethyoeung.com

    ###