Blog detail

Jun 21, 2022

ការហាត់​យូ​ហ្គា​​ ហែល​ទឹក និង​ដើរ​ សុទ្ធ​ជា​លំ​ហាត់ប្រាណ​ល្អៗ សម្រាប់ស្ត្រីមានផ្ទៃពោះ​

 

U.S. Department of Health and Human Services (HHS) បាន​ណែនាំ​ឱ្យស្ត្រី​ធ្វើ​លំ​ហាត់ប្រាណ​យ៉ាងហោចណាស់​ ១៥០​នាទី ​ក្នុង​មួយ​សប្តាហ៍ ដើម្បីឱ្យ​​ស្ត្រី​មាន​សុខភាព​ល្អ​ ពិសេស​ស្ត្រី​មានផ្ទៃពោះ​។​ ប៉ុន្តែ​ស្ត្រីមានផ្ទៃពោះ សូម​ចៀសវាង​លំ​ហាត់ប្រាណ ​ដែល​អាច​ធ្វើឱ្យ​ដួល ឬ​គ្រោះថ្នាក់​លើ​ពោះ​របស់​អ្នក​​។​

U.S. Department of Health and Human Services (HHS) បានលើកឡើងថា លំហាត់​ប្រាណ អាចធ្វើឱ្យ​ស្ត្រី​​មាន​ផ្ទៃពោះ​ ​មាន​អារម្មណ៍ល្អ និង​ជួយ​ឱ្យ​​មាន​កម្លាំង ​នៅ​ពេល​សម្រាលកូន​។ ការហាត់​យូ​ហ្គា​ ហែល​ទឹក និង​ដើរ​ សុទ្ធ​ជា​លំ​ហាត់ប្រាណ​ល្អៗ ប៉ុន្តែ​ស្ត្រីមានផ្ទៃពោះ ត្រូវ​ចៀសវាង​លំ​ហាត់ប្រាណ​ ដែលប្រើកម្លាំងខ្លាំង ​រួមមាន ការ​លោត​ ការលើក​ដុំ​ដែក​ និង​ការ​ងើប​ចុះ​ឡើង​ ជា​ដើម​។​

 

អ្នកជំនាញសុខភាព ក៏បានណែនាំថា ប្រសិនបើ​ស្ត្រីនោះ ជា​អ្នករត់ហាត់ប្រាណ ឬ​ជា​អ្នកជិះ​កង់ ​មុន​មាន​ផ្ទៃពោះ គឺអំឡុងពេលមានផ្ទៃពោះ ស្ត្រីនោះ ក៏​អាច​បន្ត​រត់ ឬ​ជិះ​កង់​បាន ​ទោះបីជា​មាន​ការផ្លាស់ប្តូ​រ​ទម្លាប់ខ្លះ​​ក៏ដោយ​។​


​​យ៉ាងណាក៏ដោយ អ្នកជំនាញសុខភាព បានណែនាំបន្ថែម​ថា ដើម្បី​មាន​សុវត្ថិភាព​ដល់​ស្ត្រី​មាន​ផ្ទៃពោះ​ នៅពេលធ្វើ​លំ​ហាត់ប្រាណ​ផ្សេងទៀត សូម​ស្ត្រីមានផ្ទៃពោះ ទៅ​ពិគ្រោះ​ជាមួយ​នឹង​​គ្រូពេទ្យជំនាញជាមុនសិន​​​​៕