Blog detail

Nov 30, 2020

គួរយល់ដឹងអំពីរជំងឺសម្លេងឆ្មា

 

. តើជំងឺសម្លេងឆ្មាជាអ្វី?

·         ជាប្រភេទជំងឺកម្រដែលអាចកើតឡើងលើទារកម្នាក់ក្នុងចំណោមទារក ២០០០០នាក់ ឬ ក្នុង ៥០០០០នាក់

·         វាជាជំងឺដែលបង្កឡើងដោយហ្សែន ហើយត្រូវបានគេស្គាល់ជាភាសាអង់គ្លេសថា Cri-Du-Chat ឬ​ Cat’s Cry 5P- (5P Minus)

·         ទារក ឬ ក្មេងដែលមានជំងឺនេះមានសម្លេងនិយាយ និង យំតូចដូចឆ្មា ហើយអាចមានពិការភាព ឬ ការលូតលាស់មិនប្រក្រតី និង ខ្លះអាចមានហានិភ័យដល់ជីវិតផងដែរ។

Phoho by: unsplash

 

. តើជំងឺសម្លេងឆ្មាមានមូលហេតុអ្វីខ្លះ?

·         ការសិក្សាបានបង្ហាញថាជំងឺនេះមិនមានមូលហេតុច្បាស់លាស់នោះទេ។​

·         វាអាចមកពីការខូចខាតក្រូម៉ូសូម (ក្រុម៉ូសូម ៥)ក្នុងកំឡុងពេលវិវត្តការបង្កកំណើតដែលភាគច្រើនបណ្ដាលមកពីបញ្ហារបស់មេជីវិតឈ្មោល។

·         បង្កឡើងដោយហ្សែន​ (ប្រវត្តិគ្រួសារដែលមានជំងឺនេះ)

Photo by: unsplash

 

. តើជំងឺសម្លេងឆ្មាមានរោគសញ្ញាអ្វីខ្លះ?

ជំងឺសម្លេងឆ្មាមានរោគសញ្ញាខុសៗគ្នា យោងតាមអាការ:កំហូចក្រូម៉ូសូម។

រោគសញ្ញានៅលើសារពាង្គកាយ៖

·         ចង្កាតូច

·         មុខមូល

·         ក្ដោងច្រមុះតូច

·         ថ្នក់ស្បែកលើភ្នែក

·         ភ្នែកមូល​ ឬ​ ទូលាយខុសធម្មតា

·         ត្រចៀកមានទម្រង់ប្លែក ឬ ទាបខុសធម្មតា

·         ថ្គាមតូច

·         ស្នាមបាតដៃតែមួយ

រោគសញ្ញាផ្សេងៗ៖

·         បញ្ហាគ្រោងឆ្អឹង និង សុខភាពឆ្អឹងខ្សោយ

·         ជំងឺបេះដូង និង​ ពិការសរីរាង្គ

·         បញ្ហាសោតវិញ្ញាណ និង ចក្ខុវិញ្ញាណ

. តើយើងអាចធ្វើរោគវិនិច្ឆ័យជំងឺសម្លេងឆ្មាបានយ៉ាងដូចម្ដេច?

·         ការពិនិត្យសារពាង្គកាយ និង សម្លេងយំរបស់ទារក

·         ការថត X-ray ឬ ការធ្វើតេស្តក្រូម៉ូសូម

. វិធីព្យាបាលជំងឺសម្លេងឆ្មា

·         គ្មានការព្យាបាលច្បាស់លាស់ទេ ប៉ុន្តែយើងអាចគ្រប់គ្រងរោគសញ្ញាបានដោយការព្យាបាល​លើរាងកាយ ការព្យាបាលតាមរយ:ការប្រើភាសា និង សមត្ថភាពធ្វើចលនារាងកាយរបស់កុមារ។

ប្រភព៖ Healthline II https://www.healthline.com/