Blog detail

Jan 27, 2022

ចង់បានកូនឆ្លាត ស្ត្រីគួរអនុវត្តវិធីទាំងនេះ ចាប់តាំងពីទារក នៅក្នុងផ្ទៃ

១. ដើរហាត់ប្រាណ នៅទីចំណោត​ខ្ពស់

ដើរជាលំហាត់ប្រាណ ជាវិធី​មួយដ៏ល្អ ​សម្រាប់ស្ត្រីមានផ្ទៃពោះ​។ វាជួយអភិវឌ្ឍន៍ដល់ប្រព័ន្ធខួរក្បាលរបស់ទារក។ ស្ត្រីមានផ្ទៃពោះ គួរដើរលើទីចំណោតខ្ពស់ៗ។ ប៉ុន្តែ​ប្រសិនបើពិបាក ក្នុងការរកទីកន្លែងទីទួល​ខ្ពស់ លោកអ្នក អាចដើរត្រឹមតែ ៣០នាទី ជារៀងរាល់ថ្ងៃជំនួសវិញ ក៏មានប្រសិទ្ធភាព ចំពោះការលូតលាស់ខួរក្បាលរបស់កូនអ្នក​ដែរ។

 

២.  យកអាហារ ជាថ្នាំ

ការញ៉ាំអាហារបំប៉នពេញលេញ ក្នុងរយៈពេល ៩ខែ​ នៃការពពោះ មិនត្រឹមតែធ្វើអោយរាងកាយរបស់អ្នកល្អប៉ុណ្ណោះទេ ប៉ុន្តែថែមទាំងជួយដល់ការលូតលាស់រាងកាយរបស់កូនអ្នកទៀតផង។ ស៊ុតលឿងសម្បូរទៅដោយវីតាមីន ដែលត្រូវបានណែនាំ សម្រាប់ស្ត្រីមានផ្ទៃពោះ។ វាជាប្រភេទអាហារ ដែលស្ត្រី គួរទទួលទាន កំឡុងពេលមានផ្ទៃពោះ ព្រោះវា​ធ្វើ​ឱ្យប្រសើរឡើងដល់ការរៀនសូត្រ និងការចងចាំរបស់កូន​ នៅពេល​ម្តាយទទួលទានអំឡុងពេលមានផ្ទៃពោះ។

 

៣. បន្ថែមរបបអាហារជំនួយដល់សុខភាព

បន្ថែមអាហារបំប៉ន ដែលមានសារធាតុ​អាស៊ីតហ្វូលិក មុនពេលសម្រាល ជួយទារកក្នុងការបង្កើតកោសិកាខួរក្បាល ដែលនាំឱ្យមានសុខភាពល្អ។  

 

៤. និយាយជាមួយទារក

ការរៀនភាសា ចាប់តាំងពីទារកនៅក្នុងផ្ទៃ ជំរុញឱ្យទារកស្គាល់ពាក្យ មុនពេលពួកគេកើត និងជួយអោយពួកគេ មានភាពឆ្លាតវៃ។

 

៥.  គេងឱ្យបានច្រើន

ការសម្រាក បានគ្រប់គ្រាន់ គឺមានសារៈសំខាន់ណាស់ សម្រាប់​ម្តាយ និងទារក។ ការគេង មិនត្រឹមតែជួយអារម្មណ៍របស់អ្នកល្អ និងជំរុញប្រព័ន្ធភាពស៊ាំល្អ​​ប៉ុណ្ណោះទេ ប៉ុន្តែវាក៏ជួយបង្កើនឱកាសក្នុងការសម្រាល ប្រកបដោយសុខភាពល្អផងដែរ។ ជាមួយនឹងការគេងឱ្យបានគ្រប់គ្រាន់ ខួរក្បាលរបស់ទារក នឹងមានពេលលូតលាស់ក្នុងផ្ទៃបានត្រឹមត្រូវ និងមិនសូវមានហានិភ័យ ចំពោះបញ្ហានៃការវិវត្តន៍ក្រោយកំណើតនោះទេ៕

 

ប្រភព nestedbeanhttps://www.nestedbean.com/blogs/zen-blog/7-ways-to-make-your-baby-smarter-before-birth