Blog detail

Feb 22, 2021

ប្រការ​ ៥ យ៉ាងដែលមិនពិតពីជំងឺទឹកនោមផ្អែម

ជំងឺទឹកនោមផ្អែមកើតឡើងដោយសារអរម៉ូនអាំងស៊ុយលីននៅក្នុងរាងកាយដឹកជញ្ជូនជាតិស្ករពីក្នុងឈាមទៅកាន់កោសិកាបានល្អធ្វើឲ្យជាតិស្ករក្នុងឈាមឡើងខ្ពស់។ ទន្ទឹមនឹងនេះផងដែរ មានការលើកឡើងជាច្រើនពាក់ព័ន្ធនឹងប្រការដែលអ្នកផ្ទុកជំងឺទឹកនោមផ្អែមគួរជៀសវាងដែលមិនមានភស្តុតាងច្បាស់លាស់។​​​ ប្រការទាំងនោះរួមមាន៖

១.​​ បរិភោគស្ករនាំឲ្យកើតទឹកនោមផ្អែម៖ យោងទៅតាមសមាគមទាក់ទងនឹងជំងឺទឹកនោមផ្អែមសហរដ្ឋអាមេរិក (ADA) បានបង្ហាញថា​ការបរិភោគស្ករតែមួយមុខមិនមែនជាកត្តាដែលនាំឲ្យកើតជំងឺទឹកនោមផ្អែម។​​ វាមានកត្តាផ្សំជាច្រើនទៀតដូចជា​ សែន ជំងឺលើសឈាម អាយុ​​ កត្តារស់នៅជាដើម។ 

២.​ អ្នកផ្ទុកជំងឺទឹកនោមផ្អែមមិនអាចទទួលទានបង្អែមបាន​៖ លោកអ្នកដែលមានផ្ទុកជំងឺនេះអាចទទួលទានបង្អែមបានប៉ុន្តែក្នុងលក្ខណៈតិចតួច មិនច្រើនពេកដោយកំណត់ខ្លួនឯង​​។​​ លោកអ្នកគូរជ្រើសរើសយកបង្អែមណាដែលមានជាតិកាបូនអ៊ីដ្រាតទាប និងមិនសូវផ្អែម។

Photo by:Dairy Council of California 

៣. ផ្លែឈើគឺជារបស់មិនល្អសម្រាប់អ្នកកើតទឹកនោមផ្អែម៖ ទោះជាផ្លែឈើមានជាតិស្ករស្រាប់ក៏​ដោយ ការទទួលទានផ្លែឈើក្នុងបរិមាណសមរម្យមិនបានធ្វើឲ្យប៉ះពាល់ដល់សុខភាពអ្នកជំងឺនោះទេ​​​ព្រមទាំងជួយសុខភាពឲ្យកាន់តែមានភាពប្រសើរថែមទៀតផង។

៤. បរិភោគភេសជ្ជៈដែលគ្មានជាតិស្ករគឺល្អសម្រាប់សុខភាព៖ អ្នកផ្ទុកជំងឺទឹកនោមផ្អែមមួយចំនួនប្រាកដជាជ្រើសរើសភេសជ្ជៈដែលគ្មានជាតិស្ករយកមកទទួលទាន​ប៉ុន្តែតាមការស្រាវជ្រាវមួយបានបង្ហាញថាសារធាតុកាបូនអ៊ីដ្រាត​ ជាតិកាឡូរីនៅក្នុងភេសជ្ជៈនោះនឹងធ្វើឲ្យផ្ដល់ផលអាក្រក់ទៅដល់សុខភាពលោកអ្នកទៅវិញ។

៥. ថ្នាំទឹកនោមផ្អែមអាចបន្ថយជាតិស្ករពីអាហារ៖ ថ្នាំទឹកនោមផ្អែមពុំអាចជួយបន្ថយជាតិស្ករដែលទទួលបានពីអាហារបាននោះទេ។​​ លោកអ្នកក៏ត្រួវកំណត់អាហារដែលលោកអ្នកគួរទទួលទាន​​​​ និងគួរជៀសវាងអាហារដែលមានខ្លាញ់ច្រើន។ប្រភព៖ healthline II https://www.healthline.com/health/diabetes/diet-myths#fats