Blog detail

Apr 02, 2020

អាហារ ៦ ពពួក​ ជួយ​ពង្រឹង​ប្រព័ន្ធភាព​ស៊ាំរបស់​អ្នក​ប្រឆាំង ជំងឺ ពិសេស Covid 19

  1. អាហារដែល​សំបូរ​ដោយ សារជាតិ ស័ង្គសី ស៊ីលីស្យូម ជាតិ​ដែក វីតាមីន A C D E B6

Photo by Josephine Baran on Unsplash

អាហារ​ដែល​មាន​សារជាតិ​ទាំង​នេះ​សុទ្ធ​តែ​ជា​អាហារ​ដែល​ល្អ​សម្រាប់​ការ​ពង្រឹងប្រព័ន្ធភាព​ស៊ាំ។ អាហារ​ទាំងនេះ​មាន ផ្លែទំពាំង​បាយជូរ ផ្លែប៊ឺរី ប៉េងប៉ោះ គ្រាប់​ធញ្ញជាតិ ពពួក​ក្រូច បន្លែ​ពណ៌បៃតង ដំឡូងជ្វា បន្លែ​ពណ៌ទឹក​ក្រូច តែពិសេស​តៃបៃតង ទឹកឃ្មុំ ត្រីជាដើម។ 

  1. អាហារ​មួយ​ចំនួន​ដែល​ជួយ​ប្រឆាំង ជំងឺ​ផ្តាសាយ និង គ្រុន​ក្តៅ

Photo by Louis Hansel @shotsoflouis on Unsplash

យើង​ដឹង​ហើយថា រោគ​សញ្ញា​ដំបូង​របស់​ កូវីដ ១៩ គឺ​គ្រុនក្តៅ​។ ហេតុនេះ​ បើ​អ្នក​គ្រុន​ក្តៅ ឬ ផ្តាសាយ ប្រព័ន្ធភាព​ស៊ាំ​អ្នក​ចុះ​ខ្សោយ ធ្វើ​ឲ្យ​អ្នក​ងាយ​ឆ្លង​ជំងឺ​ផ្សេង​ៗ​ ដូ្ចច្នេះ អ្នក​គួរ​ថែ​ខ្លួ​ន​កុំ​ឲ្យ​កើត​ផ្តាសាយ។ អាហារមួយ​ចំនួន​ជួយ​អ្នក​ពី ផ្តាសាយ​មាន ខ្ញី ម្រេច ខ្ទឹម​សរ យ៉ាអួ ផ្សិត​ គ្រាប់​ល្ពៅ ស៊ុប​មាន់ ស៊ុប​រំងាស់​ឆ្អឹង​ ពិសេស អ្នក​គួរ​បរិភោគ​ទឹក​ក្តៅ​អ៊ុនៗ​ឲ្យ​បាន​ច្រើន។ 

  1. អាហារ​ដែល​សំបូរ​សមាសធាតុ​ប្រឆាំង​អុកស៊ីតកម្ម 

Photo by mayu ken on Unsplash

យោងទៅតាមអ្នកជំនាញ អាហារដែលសំបូរទៅដោយសារធាតុប្រឆាំងអុកស៊ីតកម្ម រួមមានផ្លែប៊ឺរី ខ្ទឹមសរ និងខ្ទឹមបារាំង។ អាហារទាំងនេះមានផ្ទុកនូវវីតាមីន C, B និង E ដែលចាំបាច់សម្រាប់ការពង្រឹង​ ប្រព័ន្ធភាពស៊ាំ។ វាជួយកាត់បន្ថយហានិភ័យនៃជំងឺ ក៏ដូចជា​ប្រឆាំងនឹងជំងឺឆ្លងផង​។ ត្រប់ ល្ពៅ និងការ៉ុត សុទ្ធតែមានផ្ទុកសារធាតុប្រឆាំងអុកស៊ីតកម្មខ្ពស់ ដែលអ្នក​គួរទទួលទានយ៉ាងហោចណាស់ម្តងក្នុងមួយថ្ងៃ។

  1. ​អាហារ​ដែល​មាន​ជាតិ កាប៉ូអ៊ីដ្រាត​តិច

កាប៉ូអ៊ីដ្រាត ជា​សារធាតុដែល​មាន​ក្នុង​បាយសរ នំបុ័ង ម្សៅ មី ... ជា​សារធាតុ​ចិញ្ចឹម​ផ្តល់​ថាមពល​ដល់​រាង​កាយ តែ​វា​ក៏ជា​ហេតុ​ផល​ដែល​អាច​ឲ្យអ្នក​ងាយ​នឹង​កើតជំងឺលើស​ឈាម ទឹក​នោម​ផ្អែម​ផង​ដែរ។ ដោយសារ អ្នក​មាន​ជំងឺទាំង​នេះ អាច​ងាយ​នឹង​ឆ្លង​ជំងឺកូវីដជាង​អ្នក​ដែល​មិន​មាន គេ​សន្និដ្ឋានថា ការ​បរិភោគអាហារ​ដូចជា បាយសរ នំបុ័ង មី ​តិច  អាច​នឹង​មាន​ប្រយោជន៍​ដល់​រាង​កាយ​។ 

  1. អាហារប្រឆាំងនឹងការរលាក

Photo by nrd on Unsplash

ការទទួលទានអាហារដែល ប្រឆាំងនឹងការរលាក ដែល​មាន​ដូចជា បន្លែនិងផ្លែឈើ គឺចាំបាច់នៅពេលគេចង់​ពង្រឹង​ប្រព័ន្ធភាពស៊ាំ។ អ្នក​គួរ​បរិភោគ​ បន្លែ និង ផ្លែឈើ ជារៀងរាល់ថ្ងៃ។ អ្នក​គួរ ទទួលទានបន្លែយ៉ាងហោចណាស់ប្រាំប្រភេទក្នុងមួយថ្ងៃ ដើម្បី​អាចជួយប្រឆាំងនឹងការរលាកបាន​ប្រសើរ។ 

  1. អាហារ​ដែល​មាន​ គ្រឿងផ្សំ រមៀត 

Photo by hue12 photography on Unsplash

រមៀតដែលមានសមាសធាតុធម្មជាតិហៅថា Curcumin ដែលត្រូវបានគេស្គាល់ថាជាប្រភេទអាហារដ​ល់​មាន​ប្រយោជន៍​ជា​ច្រើន​ដល់​សុខភាព​ទូទៅ និង ប្រព័ន្ធភាព​ស៊ាំ​របស់អ្នក។ 

ប្រភព៖ 

Bangkok Post: https://www.bangkokpost.com/life/social-and-lifestyle/1887725/beating-covid-19-risk-avoidance-better-health-and-diet

CNN: https://edition.cnn.com/2020/03/27/opinions/healthy-diet-immune-system-covid-19-mozaffarian-glickman-nikbin-meydani/index.html

Diet Doctor: https://www.dietdoctor.com/coronavirus