Blog detail

Feb 04, 2020

តើអ្វីទៅជា អាការៈភ្នែកស្ងួត? ហើយអ្នកត្រូវការពារភ្នែកយ៉ាងណាដើម្បីកុំឲ្យស្ងួត (Dry Eyes)

1.    ជៀស​វាង​កុំ​ឲ្យ​ខ្យល់​បក់​ត្រូវ​ភ្នែក​អ្នក​ដោយ​​ផ្ទាល់​

Photo by Radu Florin on Unsplash

ហេតុ​ផល​ដែល​ធ្វើ​​ឲ្យ​អ្នក​មាន​ភ្នែក​ស្ងួត គឺ​​ដោយ​សារ​តែ​ខ្យល់​ស្ងួត។ អ្នក​គួរ​តែ​ប្រយ័ត្ន​កុំ​ឲ្យ​ខ្យល់​ចេញ​ពី​ម៉ាស៊ីនផ្លុំ​សក់ ម៉ាស៊ីន​ត្រជាក់ និង កង្ហា​បក់​តម្រង់​មក​ភ្នែក​ដោយ​ផ្ទាល់។

2.    បន្ថែម​សំណើមទៅ​ដល់​ខ្យល់​នៅ​ជុំ​វិញ​ខ្លួន​អ្នក​

ខ្យល់​ដែល​ចេញ​ពី​ ម៉ាស៊ីន​ត្រជាក់ និង កង្ហា​ គឺជា​ខ្យល់​​ស្ងួត ហេតុ​នេះ ​អ្នក​គួរ​បន្ថែម​សំ​ណើម​ទៅ​លើ​ខ្យល់ ​ដោយ​ការ​ប្រើ​កន្លែង​ត្រជាក់ ឬ ក្រណាត់​ជ្រលក់​ទឹក​ ទៅ​លើ​ខ្យល់នោះ។

3.    សម្រាកភ្នែកខ្លះ​ក្នុងកំឡុងពេលបំពេញការងារយូរ

Photo by Andrei Lazarev on Unsplash

ប្រសិនបើអ្នកកំពុងអានឬធ្វើកិច្ចការផ្សេងទៀតដែលត្រូវការការផ្តោតអារម្មណ៍ អ្នក​គួរតែសម្រាកភ្នែកឲ្យ​បាន​ទៀងទាត់។ អ្នក​គួរ​បិទភ្នែកពី ពីរ​ ឬ បីនាទី។ ដើម្បី​សម្រាក​ភ្នែក អ្នក​ក៏អាច ព្រិចភ្នែក​ ច្រើន​ដង    ​​រយៈពេល​ប្រមាណ ពីរ ឬ បី វិនាទី ដើម្បីឲ្យ​ទឹក​ភ្នែក​របស់​សាយភាយបាន​ស្មើ​គ្នាលើភ្នែករបស់អ្នក។

4.    ដាក់អេក្រង់កុំព្យូទ័ររបស់អ្នកនៅក្រោមកម្រិតភ្នែករបស់​អ្នក

Photo from Pxhere under Public Domain CC0 1.0 Universal

ប្រសិនបើអេក្រង់កុំព្យូទ័ររបស់អ្នកខ្ពស់ជាងកំរិតភ្នែក អ្នកនឹងបើកភ្នែកកាន់​តែធំ ដើម្បីមើលអេក្រង់។ ការ​ដាក់អេក្រង់កុំព្យូទ័រនៅក្រោមកម្រិតភ្នែក គឺ​ដើម្បី​ការពារ​កុំអោយអ្នកបើកភ្នែកធំពេក ព្រោះ បើ​អ្នក​បើក​ភ្នែក​ធំ ទឹក​ភ្នែក​អ្នក​ក៏​ហួត​ច្រើន​ដែរ ដែល​នាំ​ឲ្យ​ស្ងួត​។

5.    អ្នក​គួរសាក​ល្បង ពាក់វ៉ែនតាការពារកម្តៅ​ថ្ងៃ​ ឬ វ៉ែនតាការពារផ្សេងទៀត

ការពាក់​វែន​តា​ការពារ​កម្តៅ​ថ្ងៃ អាច​ជួយ​ការពារអ្នក​ពី​ការ​ប៉ះ​ពាល់​ដោយ​ផ្ទាល់​ជា​មួយ​កាំរស្មី UV។ បន្ថែម​ពីនេះ អ្នក​គួរ​ពាក់​វែន​តា​ការពារ​ដែល​មាន​របាំង​ការពារ​ផ្នែក​ខាង​លើ​ និង ចំហៀង​ភ្នែក​របស់​អ្នក​ពី​ការ​ប៉ះ​ពាល់​ជា​មួយ ខ្យល់ និង ខ្យល់​ស្ងួត។

6.    ត្រូវ​ដឹង​ពី​បរិស្ថាន​ដែល​អ្នក​នៅ​ឲ្យ​បាន​ច្បាស់​

Photo by Daniel Eledut on Unsplash

ខ្យល់នៅរយៈកំពស់ខ្ពស់​ដូចជា​នៅតំបន់វាលខ្សាច់ និង លើ​យន្តហោះ អាចស្ងួតខ្លាំង។ នៅពេលចំណាយពេលនៅក្នុងបរិយាកាសបែបនេះ អ្នក​គួរ​បិទភ្នែកប្រមាណ ពីរ ឬ បីនាទី ដើម្បីកាត់បន្ថយការហួតទឹកភ្នែករបស់អ្នក។

7.    បញ្ឈប់​ការ​ជក់​បារី និង ជៀស​វាង​ការ​ស្រូប​ផ្សែង​បារី

Photo by Erik Odiin on Unsplash

ប្រសិនបើអ្នកជក់បារី អ្នក​គួរ​​សួរគ្រូពេទ្យដើម្បី​​ឲ្យ​ពួក​គេ​ជួយអ្នក​ក្នុង​ការ​ផ្តាច់​ការជក់បារី ។ ប្រសិនបើអ្នកមិនជក់បារីទេ អ្នក​គួរ​នៅឱ្យឆ្ងាយពីអ្នក​ដែលជក់បារី។ ផ្សែង និង ផ្សែង​បារី អាចធ្វើឱ្យរោគសញ្ញាភ្នែកស្ងួតរបស់​អ្នក​កាន់តែធ្ងន់​ធ្ងរទៅ។

8.    ប្រើ​ទឹក​ភ្នែក​សិប្បនិមិត្ត​ឲ្យ​បាន​ទៀង​ទាត់

បើ​សិន​អ្នក​មាន​អាការ​ស្ងួត​ភ្នែក​ជា​ប្រចាំ​ អ្នក​គួរ​ប្រើ​ថ្នាំ​ដាក់​ភ្នែក​ឲ្យ​បាន​ទៀង​ទាត់ បើ​ទោះបី​អ្នក​មិន​ចុក​រោយ​ភ្នែក​ក៏​ដោយ ដើម្បី​ឲ្យ​ភ្នែក​ទាំង​គូរ​របស់​អ្នក​មានសំណើម​គ្រប់​គ្រាន់។​

ប្រភព៖

https://www.mayoclinic.org/diseases-conditions/dry-eyes/symptoms-causes/syc-20371863

https://www.webmd.com/eye-health/eye-health-dry-eyes#1