Blog detail

Jan 06, 2020

តើ​ធ្វើ​យ៉ាង​ណា​ដើម្បី​ឲ្យ​ខ្លួន​ឯង​មាន​ភាព​រីក​រាយ​ក្នុង​ឆ្នាំខាង​មុខ​នេះ?

១. ស្រឡាញ់​ខ្លួន​ឯង

Photo by Mandy von Stahl on Unsplash

តែង​តែស្រឡាញ់ និង ឲ្យ​តម្លៃ​ខ្លួន​ឯង​ជានិច្ច​។ ម្យ៉ាង​ទៀត កុំ​ខ្វល់​ពី​ការ​គិត​របស់​អ្នក​ដ៏ទៃ​មក​លើ​ខ្លួន​អ្នក​ឲ្យ​សោះ ព្រោះ​នោះគ្រាន់​តែ​ជា​គំនិត​របស់​គេ​ម្នាក់ៗ គ្មាន អ្វី​ទាក់​ទង​នឹង​យើង​ឡើយ។

 

២. កុំប្រៀប​ធៀប​ខ្លួន​ឯង​ជា​មួយ​អ្នក​ដទៃ

Photo from Pxhere under Public Domain CC0 1.0 Universal

ម្នាក់​ៗ​មាន​គោលដៅ ពេល​វេលា ក៏​ដូចជា​ដំណើរ​ជីវិត​ខុស​ៗគ្នា។ មិន​ថាជា​យ៉ាង​ណា អ្នក​គួរ​តែ​ផ្តោត​អារម្មណ៍ទៅលើ​ជីវិត​របស់អ្នក​បាន​ហើយ។

 

៣. ពេល​វេលា​តែង​ព្យាបាល​អ្វី​ទាំង​អស់

Photo by Aron Visuals on Unsplash

ទោះ​បី​អ្នក​ជួប​បញ្ហា​ ឬ រឿង​អាក្រក់​បែប​ណា អ្នក​គួរ​គិត​ក្នុង​ចិត្ត​ថា បន្ទាប់​ពី​ពេល​វេលា​កន្លង​ផុត​ទៅ អ្វីៗ​នឹង​ប្រសើរ​ឡើង​សារជា​ថ្មី។

 

៤.​​​ ធ្វើអំពើ​ល្អ

អ្នក​ខ្លះ​គិត​ថា អំពើ​ល្អ គឺទាល់​តែ​អ្នក​មាន​ថវិកា​ច្រើន ហើយបរិច្ចាគ​ទៅ​សង្គម​។ ប្រាកដ​ណាស់ នោះ គឺជា​អំពើ​ល្អ តែ​មាន​អំពើ​ល្អជា​ច្រើនទៀត​ដែល​អ្នក​អាច​ធ្វើ​ជា​រៀង​រាល់​ថ្ងៃ។ អ្នក​គួរ​យោគ​យល់ និង ចិត្ត​ល្អជា​មួយ​អ្នក​ដទៃ ធ្វើ​ជា​ហេតុ​ផល​ដែល​អ្នក​ផ្សេង​ញញឹម។

 

៥.​ សាក​ល្បង​ធ្វើ​អ្វី​ដែល​ថ្មី

Photo from Pxhere under Public Domain CC0 1.0 Universal

មនុស្ស​គ្រប់​គ្នា​តែ​ខ្លាច​ខ្លួនឯង​ធ្វើ​មិន​បាន​ល្អ ឬ ធ្វើ​ឲ្យ​​មាន​កំហុស ហេតុ​នេះ​បានជា​គេ​មិន​ចង់​ធ្វើ​អ្វី​ដែល​ថ្មី។ អ្នក​គួរ​សាក​ល្បង​ប្រើប្រាស់ជីវិត​បែប​ថ្មី ដូចជា​ចាប់​ផ្តើម​រៀន​ភាសា​ថ្មី លេង​កីឡា​ប្រភេទ​ថ្មី សាក​ល្បង​ធ្វើ​មុខ​ម្ហូបថ្មីៗ​ នោះ​ទើប ជាការ​ប្រសើរ។

 

៦. ការ​ដើរ​កំសាន្ត

Photo by Rana Sawalha on Unsplash

ភាព​រីក​រាយ គឺជា​គោល​បំណង​ធំ​បំផុត ហើយ​ការ​ដែល​អ្នក​ឲ្យ​ពេល​មក​ខ្លួន​ឯង​ដើម្បីសម្រាក​កាយ និង ចិត្ត គឺ​ពិត​ជា​ប្រសើរ​ណាស់។ ការធ្វើ​ដំណើរ ពិសេស​តែ​ម្នាក់​ឯង ធ្វើ​ឲ្យ​មាន​សេរី​ភាព មានពេល​វេលា​សម្រាប់​ខ្លួនឯង ក៏​ដូច​ជា​មាន​ឱកាស​ស្វែង​យល់ពី​តំបន់​ថ្មីៗ​ផង។

 

៧.​ ធ្វើ​អ្វីៗ​ដោយ​ខ្លួន​ឯង

Photo by John Sting on Unsplash

ភាគ​ច្រើន ពេល​អ្នក​ចង់ទៅ​មើលកុន អ្នក​តែង​រក​អ្នក​ទៅជា​មួយ​បើ​មិន​ដូច្នោះមិន​ចេះ​ទៅ​ម្នាក់ឯង។ តើ​ហេតុអ្វី? តាម​ការពិត អ្នក​ប្រហែល​មាន​អារម្មណ៍ឯកា​ពេល​ដំបូង​ៗ តែ​យូរៗទៅ អ្នក​នឹង​ស៊ាំ​ហើយ។ ទៅ​មើល​កុន ញ៉ាំអាហារ ឬ ទិញ​អ៊ី​វ៉ាន់​ម្នាក់​ឯង​គឺជា​រឿង​ធម្មតា។

 

៨. សម្រាក​ឲ្យ​បាន​គ្រប់​គ្រាន់

Photo by bruce mars on Unsplash

យើង​ដឹង​ថា អ្នក​ប្រាកដ​ជា​រវល់​នឹងការងារ ឬ ការសិក្សា​របស់អ្នក ប៉ុន្តែ​នេះជា​ហេតុ​ផល​ដែល​អ្នក​គួរ​តែ​រក​ពេល​សម្រាប់​ខ្លួន​ឯង​ដើម្បី សម្រាក​ឲ្យ​បាន​គ្រប់​គ្រាន់។ ការ​សម្រាក​គ្រប់​គ្រាន់ មិន​ត្រឹម​តែ​ឲ្យអ្នក​មាន​សុខភាព​ល្អប៉ុណ្ណោះទេ ប៉ុន្តែខួរ​ក្បាល​របស់អ្នក​នឹង​ដំណើរ​ការ​បាន​ល្អ។

 

៩. ចំណាយ​ពេល​ដើរ ឬ ហាត់​ប្រាណ​ឲ្យ​បាន​ទៀង​ទាត់

Photo by Jan Kolar (www.kolar.io) on Unsplash

ជា​ការ​ល្អ អ្នក​គួរ​ចាប់​ផ្តើម​គម្រោង​ហាត់​ប្រាណ​ដើម្បី​សុខភាព។ ការ​ដើរ​ឲ្យ​បាន​២០​នាទី​​ក្នុង​មួយ​ថ្ងៃ ក៏​ត្រូវ​បាន​រក​ឃើញ​ថា​ល្អ​សម្រាប់​សុខភាព​ផ្លូវ​ចិត្ត​របស់​អ្នក​ដែរ។

 

១០. គ្រប់​គ្រង​របប​អាហារ

Photo from Pxhere under Public Domain CC0 1.0 Universal

ការបរិភោគ​អាហារឆ្ងាញ់ មាន​សារជាតិ​ចិញ្ចឹម​គ្រប់គ្រាន់ ព្រម​ទាំង​អាហារ​ដែល​អ្នក​ចូល​ចិត្ត។ ទាំង​នេះ​គឺជា​ទម្លាប់​ដែល​មិន​ត្រឹម​តែ​ឲ្យ​អ្នក​មាន​សុខភាពល្អ​ប៉ុណ្ណោះទេ តែ​ធ្វើ​ឲ្យ​អ្នក​រីក​រាយ​ផង។

 

១១. ញញឹម និង សើច​ឲ្យ​បាន​ច្រើន

Photo by ig: @seteales on Unsplash

សើច គឺជា​ឱសថ​បំបាត់​ទុក្ខព្រួយ ព្រម​ទាំង​ភាព​ឯកា​ផង។ ដូច្នេះ អ្នក​គួរ​សើច​យ៉ាង​ហោច​ណាស់​ឲ្យ​បាន​ម្តង​ក្នុង​មួយ​ថ្ងៃ​ដើម្បី​ឲ្យ​មាន​អារម្មណ៍​ល្អ។

 

១២.​ ពិគ្រោះ​យោបល់​ជា​មួយ​មនុស្ស​ជិត​ស្និត

ពេល​ខ្លះ ពេល​ដែល​ខ្លួន​ឯង​មាន​បញ្ហា អ្នក​តែង​ព្យាយាម​ដោះ​ស្រាយ​ដោយ​ខ្លួន​ឯង។ ជម្រើស​ដ៏​ល្អ​បំផុត​នោះ អ្នក​គួរ​តែ​និយាយ ឬ ពិគ្រោះ​យោបល់​ជាមួយ​មិត្តភក្តិ ឬ ក្រុម​គ្រួសារ។ ជួនកាល​បើអ្នក​គិត​ថា​អ្នក​មាន​បញ្ហា​ផ្លូវ​ចិត្ត អ្នក​គួរ​តែ​ទៅ​ពិនិត្យ​ជា​មួយ​អ្នក​ជំនាញ។

 

១៣. ពង្រឹង​ទំនាក់​ទំនង​ជា​មួយ​មិត្តភក្តិ និង គ្រួសារ

ទោះបី​យ៉ាង​ណា អ្នក​មិន​អាច​រស់​នៅ​ដោយ​ម្នាក់​ឯង​បានទេ។​ ព្យាយាម​រក្សា​ទំនាក់​ទំនង​ឲ្យ​បាន​ល្អជា​មួយអ្នក​នៅ​ជុំ​វិញ​ខ្លួន​របស់​អ្នក។

ប្រភព៖

https://thoughtcatalog.com/cat-aleman/2014/05/10-tips-for-being-single-and-happy/

https://www.mhanational.org/31-tips-boost-your-mental-health

https://dailypicdump.com/try-to-live-by-these-rules