Blog detail

Dec 25, 2019

សកម្មភាព ១១​ យ៉ាង ដែល​អ្នក​គួរ​ធ្វើដើម្បី​ថែរក្សា​សុខភាព​បេះដូង​របស់អ្នក

 

១. កាត់​បន្ថយ​ការបរិភោគអំបិល

Photo from Pxhere under Public Domain CC0 1.0 Universal

ដើម្បីជួយកាត់​បន្ថយសម្ពាធឈាមឡើង​ខ្ពស់ អ្នក​គួរ​តែប្រុង​ប្រយ័ត្ន​ក្នុង​ការទទួល​ទាន​សារធាតុ និង សមាសធាតុ​អំបិល។ អង្គការសុខភាព​ពិភព​លោកណែនាំ​ឲ្យអ្នក​កាត់​បន្ថយការ​បរិភោគអំបិល​មក​ត្រឹម​តែ ៥ ក្រាម ក្នុង​១​ថ្ងៃ​បាន​ហើយ។ 

 

២. បរិភោគ ទឹក​ ឲ្យ​បាន​ច្រើន

Photo from Pxhere under Public Domain CC0 1.0 Universal

អ្នកគួរ​ញ៉ាំទឹក​ឲ្យ​បាន​ច្រើន ជៀស​វាង​ការ​ខ្សត់​ជាតិ​ទឹក​ក្នុង​ខ្លួន។ អ្នក​គួរ​យក​ទឹក​ដាក់​តាម​ខ្លួន​រហូត​ទើប​ជា​ការ​ល្អ។ 

 

៣. ធ្វើ​ លំហាត់ប្រាណ​ឲ្យ​បាន​ទៀង​ទាត់ 


Photo from Pxhere under Public Domain CC0 1.0 Universal

អ្នក​គួរធ្វើលំហាត់​ប្រាណ ឲ្យ​បាន​ច្រើន ពិសេស​ឲ្យ​បាន​យ៉ាង​ហោច​ណាស់ ១៥ នាទីក្នុង​មួយ​ថ្ងៃ។ បើ​សិនអាច​ទៅ​រួច អ្នក​គួរ​បន្ថែម​ពេល​វេលា​ហាត់​ប្រាណ​រហូត​ឲ្យ​បាន ៣០ នាទី​ក្នុង​មួយ​ថ្ងៃទើប​ជា​ការ​ល្អ។ សកម្មភាព​មួយ​ចំនួន​អ្នក​អាច​ធ្វើ​ដូចជា ឡើង​ជណ្តើរជើងជាជាង​ជណ្តើរយន្ត ដើរ ជិះកង់ ឬធ្វើ​ការងារផ្ទះ​។ 

 

៤. បរិភោគ​អាហារ​ដែល​ល្អ​សម្រាប់​សុខភាព

Photo from Pxhere under Public Domain CC0 1.0 Universal

ការ​គ្រប់​គ្រង​អាហារ​ដែល​អ្នក​ញ៉ាំ​រាល់​ថ្ងៃ​គឺ​ពិត​ជា​មាន​សារសំខាន់​ណាស់។ អ្នក​គួរ​តែ​បរិភោគ​អាហារ​ដែល​មាន​សារជាតិ​ចិញ្ចឹម​គ្រប់​គ្រាន់ មាន​ដូចជា​ អាហារ​ដែល​មាន​សារជាតិ​សរសៃរ បន្លែ ផ្លែ​ឈើ សូកូឡា ត្រី គ្រាប់​ធញ្ញជាតិ។ 

 

៥. ហាម​ជក់​បារី ហើយ ព្យាយាម​កុំ​នៅ​កន្លែង​ដែល​មាន​ផ្សែង​ពុល​ច្រើន

Photo from Pxhere under Public Domain CC0 1.0 Universal

ការសិក្សាជា​ច្រើន​បានបង្ហាញ​ថា អ្នក​ដែល​ជក់​បារី និង ស្រូប​ផ្សែង​ពុល​ច្រើន មាន​ហានិភ័យ​ពី ២០​% ទៅ ៣០% ក្នុង​ការកើត​ជំងឺបេះ​ដូង។ បើអ្នក​ជក់​បារី សូម​ព្យាយាម​កាត់​បន្ថយ​វា​បន្តិច​ៗ​រហូត​អ្នក​អាច​ផ្តាច់​វា​តែ​ម្តង​ទើប​ជា​ការ​ប្រសើរ។ 

 

៦. កាត់​បន្ថយ​ការ​ទទួល​ទាន​ស្រា និង គ្រឿង​ស្រវឹង 

Photo from Pxhere under Public Domain CC0 1.0 Universal

ការទទួល​ទាន​គ្រឿង​ស្រវឹង​ច្រើន​​មិន​ល្អ​សម្រាប់​សុខភាព​ទេ។ ហេតុនេះ បើ​អ្នក​ចូល​ចិត្តគ្រឿង​ស្រវឹង ការ​បរិភោគ​បន្តិច​បន្តួច​គឺជា​ការល្អ​បំផុត។ ក្នុង​ចំណោម​គ្រឿង​ស្រវឹង ការសិក្សា​បង្ហាញ​ថា ស្រាក្រហម​ ល្អ​សម្រាប់​សុខភាព​បេះ​ដូង ប៉ុន្តែទោះជា​យ៉ាង​ណា​ អ្នក​គួរ​បរិភោគ​ក្នុង​បរិមាណ ពីកន្លះ ទៅ ១ កែវ​បាន​ហើយ​ក្នុង​មួយ​ថ្ងៃ។ 

 

៧. គ្រប់​គ្រង​សារធាតុ​ Cholesterol និង​ សារជាតិ​ខ្លាញ់ក្នុង​ឈាម​

ការ​បរិភោគអាហារដែលមានខ្លាញ់ ពិសេស ខ្លាញ់​ឆ្អែត អាច​ជា​ហេតុផល​ដែល​អាច​ឲ្យអ្នក​ងាយ​កើត​ជំងឺ​បេះ​ដូង។ អ្នក​គួរ​គ្រប់​គ្រង​ការ​បរិភោគ​ខ្លាញ់​មក​ត្រឹមតែ​ប្រហែល ៧% នៃ​អាហារអ្នក​បរិភោគ​រាល់​ថ្ងៃ​បានហើយ។ 

 

៨. រក្សាទម្ងន់​ឲ្យមាន​សុខភាព​ល្អ​

Photo from Pxhere under Public Domain CC0 1.0 Universal

ការឡើង​ទម្ងន់ ជា​ហេតុ​នាំ​ឲ្យ​អ្នក​ប្រឈម​មុខជា​មួយ​ជំងឺ​ដូចជា ជំងឺបេះ​ដូង ទឹក​នោម​ផ្អែម និង ដាច់​សរសៃរ​ឈាម​ខួរក្បាល។ ដូច្នេះ ការគ្រប់​គ្រង​រាង​កាយ​កុំ​ឲ្យ​ធាត់​ ឬ ស្គម​ពេក គឺ​ពិត​ជា​មាន​សារ​សំខាន់​ណាស់។ 

 

៩. ធ្វើ​ឲ្យ​ខ្លួន​ឯង​រីករាយ​ជា​និច្ច​

Photo from Pxhere under Public Domain CC0 1.0 Universal

ការសិក្សា​បាន​បង្ហាញថា ភាពតានតឹង​ ការថប់បារម្ភ និងកំហឹង អាចបង្កើនហានិភ័យនៃការកើតជំងឺបេះដូងនិងជំងឺដាច់សរសៃឈាមខួរក្បាល។ ដូច្នេះ អ្នក​គួររក្សាទស្សនវិស័យវិជ្ជមាន​សម្រាប់ជីវិតខ្លួនឯង ដើម្បីឲ្យអ្នក​មានសុខភាពកាន់តែប្រសើរ។

 

១០. ផឹក​តែ 

Photo from Pxhere under Public Domain CC0 1.0 Universal

ការសិក្សា​បាន​បង្ហាញថា ការផឹកតែពី ១ ទៅ ៣ ពែងក្នុងមួយថ្ងៃអាចជួយកាត់បន្ថយហានិភ័យនៃបញ្ហាបេះដូង។ ការ​ផឹក​តែជួយ​កាត់​បន្ថយអត្រានៃការឈឺទ្រូងនិងគាំងបេះដូង។

 

១១. តែង​សម្អាត​ធ្មេញ​ឲ្យ​បាន​ស្អាត

Photo from Pxhere under Public Domain CC0 1.0 Universal

អនាម័យមាត់ធ្មេញមិនត្រឹមតែធ្វើឱ្យធ្មេញរបស់អ្នកសនិងភ្លឺចាំងប៉ុណ្ណោះទេ ប៉ុន្តែ ការស្រាវជ្រាវមួយចំនួនបានបង្ហាញថា បាក់តេរីដែលបង្កឱ្យមានជំងឺអញ្ចាញធ្មេញក៏អាចបង្កើនហានិភ័យនៃការ​កើតជំងឺបេះដូងដែរ ដោយ​វា​នឹង​ចូល​ទៅ​ក្នុង ចរន្តឈាម ដែលបណ្តាលឱ្យមានការកើនឡើងនៃប្រូតេអ៊ីន C-reactive ដែលជាសញ្ញានៃការរលាកនៅក្នុងសរសៃឈាម។ ដូច្នេះ អ្នក​គួរ​ដុស​ធ្មេញ និង​សម្អាតធ្មេញ​ឲ្យ​បាន​ទៀង​ទាត់។ 

ប្រភព៖ 

  1. Healthline: https://www.healthline.com/health/healthy-heart-tips

  2. UWHealth: https://www.uwhealth.org/go-red/10-ways-to-take-charge-of-your-heart-health/10543

  3. Cleveland Clinic: https://health.clevelandclinic.org/5-things-to-do-every-day-to-keep-your-heart-healthy/

  4. World Health Organization