Blog detail

Dec 24, 2019

សារប្រយោជន៍​ចំនួន ១០ ដែល​បាន​ពី​ការហាត់ យោគៈ (Yoga)

១. កាត់​បន្ថយភាព​តាន​តឹង

Photo by Radu Florin on Unsplash

 

ការសិក្សាជាច្រើន​បាន​រកឃើញថា យោគៈមានសមត្ថភាព​ជួយ​ឲ្យអ្នក​បាត់តានតឹង និង​មាន​អារម្មណ៍​ស្រស់​ថ្លា ព្រម​ទាំងជួយកាត់បន្ថយ​ការ​បង្កើតអរម៉ូន​ ករទីស៉ូល​ ដែលជាអរម៉ូនស្រ្តេស។ យោគៈក៏ជួយបំបាត់ ការថប់បារម្ភ អស់កម្លាំង និងធ្លាក់ទឹកចិត្តផង​ដែរ។ 

 

២. កាត់​បន្ថយការឈឺចាប់​លើ​រាងកាយ

ការឈឺចាប់រ៉ាំរ៉ៃគឺជាបញ្ហាដែលជះឥទ្ធិពលដល់មនុស្សរាប់លាននាក់និងជាបុព្វហេតុនាំ​ឲ្យកើតមានការរងរបួស ឬ ជំងឺរលាកសន្លាក់។ សម្រាប់អ្នក​ដែល​ទើបតែហាត់ សារប្រយោជន៍នេះមិន​អាច​មើល​ឃើញ​ភ្លាម​ៗបាននោះទេ។ ជាធម្មតាចំពោះអ្នក​ដែល​មាន​ហាត់​យូរ​មក​ហើយ គេ​តែង​សង្កេតឃើញថា ការលេង​យោគៈអាច​បំបាត់ការឈឺចាប់​នានានៅលើ​ដង​ខ្លួន ដូចជាឈឺ​សន្លាក់ និង សាច់ដុំ​នានា។ 

 

៣. អាចកាត់បន្ថយការរលាក

ការរលាកអាចជាបញ្ហាធម្មតា ប៉ុន្តែការរលាករ៉ាំរ៉ៃអាចរួមចំណែកដល់ការវិវត្តនៃជំងឺរលាកដូចជា ជំងឺបេះដូង ជំងឺទឹកនោមផ្អែម និងជំងឺមហារីក។ ការសិក្សាមួយ​ចំនួន​បាន​ឲ្យ​ដឹង​ថា យោគៈជួយ​កាត់បន្ថយការរលាកនៅក្នុង​រាង​កាយ ហើយអ្នក​ដែល​ហាត់យោគៈមិន​ងាយ​មាន​អាការរលាក​រុាំរ៉ៃ។ 

 

៤.​​ ជួយ​ដល់​សុខភាព​បេះដូង​របស់អ្នក

Photo by Alexandru Acea on Unsplash

 

ការសិក្សាបង្ហាញថាយូហ្គាអាចជួយលើកកម្ពស់សុខភាពបេះដូងនិងកាត់បន្ថយកត្តាហានិភ័យជាច្រើនដែលអាចនាំឲ្យមានជំងឺបេះដូង។​ យោគៈជួយ​លើក​កម្ពស់​របៀប​រស់នៅ​របស់អ្នក ព្រម​ទាំង​កាត់​បន្ថយ​ Cholesterol នៅក្នុ​ង​ឈាម និង ស្ត្រេស ដែលជា​កត្តា​ចំបង​វិវត្ត​ទៅ​រក​ជំងឺ​បេះ​ដូង។

 

៥. អាចជួយ​ឲ្យ​ដង​ខ្លួន​អ្នក​ត្រង់

 

ការ​ដែល​អ្នក​មាន​ដងខ្លួន​មិន​ត្រង់ អាចបណ្តាលឱ្យ ខ្នង ក សាច់ដុំផ្សេងៗលើ​រាង​កាយ និងសន្លាក់​មាន​បញ្ហា។ នៅពេលអង្គុយ​កោង​ខ្នង រាង​កាយ​របស់អ្នកនឹងរុញឆ្អឹង​ផ្នែកខាងក្នុងនៅត្រង់កនិងផ្នែកខាងក្រោមខ្នងរបស់អ្នក ដែល​អាចបណ្តាលឱ្យអ្នកឈឺចាប់និងរលាកសន្លាក់ឆ្អឹងខ្នង។ ការហាត់​យោគៈទៀងទាត់​ជួយ​ឲ្យអ្នក​មាន​ដង​ខ្លួនត្រង់​ ហើយ​ធ្វើ​ឲ្យ​ឆ្អឹង​មាន​សុខភាព​ល្អ។ 

 

៦. អាច​ធ្វើ​ឲ្យអ្នក​គេង​លក់​បាន​ស្កប់​ស្កល់

Photo by bruce mars on Unsplash

 

បញ្ហាជាច្រើន​ដូចជា​ ភាពតាន​តឹង ការឡើង​ទម្ងន់ សម្ពាធឈាម​ឡើង​ខ្ពស់ ...អាច​នាំ​ឲ្យអ្នក​មាន​បញ្ហាគេង​មិន​លក់។ ការសិក្សា​មួយ​ចំនួន​បង្ហាញថា អ្នក​ដែល​ហាត់​យោគៈភាគ​ច្រើន​ឆាប់​គេង​លក់ ​គេង​បាន​យូរ ស្កប់​ស្កល់ ព្រម​ទាំង​ក្រោក​មក​មាន​អារម្មណ៍​ស្រស​ស្រាយ​ពេល​ព្រឹក​ផង​ដែរ។ 

 

៧.​ ជួយ​លើក​កម្ពស់​ការបរិភោគអាហារ​ដែល​ធ្វើ​ឲ្យ​មាន​សុខភាពល្អ

Photo by Dan Gold on Unsplash

 

ជាធម្មតា អ្នក​ហាត់​យោគៈត្រូវ​បាន​ជំរុញ​ឲ្យ​គិតឲ្យ​បាន​ល្អិតល្អន់មុនពេល​ធ្វើ​អ្វីមួយ។ ជាក់​ស្តែង នៅពេល​បរិភោគអាហារ ពួកគេយកចិត្តទុកដាក់ទៅលើទាំង ក្លិន រសជាតិ និងរូបភាពអាហារ មុនពេលញាំ ហើយកត់សំគាល់ពីគំនិត អារម្មណ៍ ឬ បទពិសោធន៍ការញាំអាហារទាំង​នោះ។

ការអនុវត្តនេះត្រូវបានបង្ហាញថាអាចជួយលើកកម្ពស់ទម្លាប់នៃការញ៉ាំដែលអាច​ឲ្យមានសុខភាពល្អ ជួយគ្រប់គ្រងជាតិស្ករក្នុងឈាម បង្កើនការសម្រកទម្ងន់ និងធ្វើ​ឲ្យទម្លាប់បរិភោគអាហាររបស់អ្នកកាន់​តែ​ប្រសើរ​ឡើង។ 

 

៨. ជួយ​កាត់​បន្ថយជំងឺឈឺក្បាលប្រកាំង

ជាទូទៅ ការឈឺក្បាលប្រកាំង ត្រូវបានព្យាបាលដោយថ្នាំដើម្បីបន្ថយការ​ឈឺចាប់។​ ការសិក្សាបង្ហាញថាយោគៈ អាចសម្រួលសរសៃប្រសាទ និងកាត់បន្ថយសម្ពាធក្នុង​ខួរក្បាល។ យោគៈគឺជា​លំហាត់​មួយ​ជួយ​កាត់​បន្ថយការឈឺក្បាល​ប្រកាំង​ញឹក​ញាប់។ 

 

៩. ជួយ​ឲ្យ​អ្នក​មាន​កម្លាំង​មាំមួន

ក្រៅពីជួយ​ឲ្យអ្នក​មាន​ដង​ខ្លួន​ត្រង់​ហើយ យោគៈ ជា​លំហាត់​ប្រាណ​មួយ​ដែលជួយ​ឲ្យអ្ន​ក​មាន​កម្លាំង​មាំមួន​ផង។ តាម​ពិត​ទៅ ក្បាច់​មួយ​ចំនួន​របស់​យោគៈ​ត្រូវ​បាន​បង្កើត​ឡើង​ ដើម្បីបង្កើនកម្លាំងនិងពង្រឹង​សាច់ដុំ។ ក្រៅពីនេះ យោគៈជួយឲ្យអ្នក​មាន​ការបត់បែនល្អ មាន​លំនឹង​ដង​ខ្លួន និង ជួយ​ឲ្យ​ស្រក​ទម្ងន់ផង​ដែរ។ 

 

១០. ជួយ​ឲ្យអ្នក​មានអារម្មណ៍​ស្ងប់ 

Photo by Jared Rice on Unsplash

 

គោល​បំណង​ចំបង​របស់​យោគៈគឺជួយ​ឲ្យអ្នក​ផ្តោត​អារម្មណ៍ និង​ធ្វើ​ចិត្ត​ឲ្យ​ស្ងប់។ វាជួយ​កាត់​បន្ថយអារម្មណ៍ខឹង​សម្បារ ភ័យ​ខ្លាច បារម្ភ ការ​សោកស្តាយ ភាព​តាម​តឹង​ជា​ដើម។ 

 

ប្រភព៖ 

  1. Yoga Journal: https://www.yogajournal.com/lifestyle/count-yoga-38-ways-yoga-keeps-fit

  2. Healthline:  https://www.healthline.com/nutrition/13-benefits-of-yoga#section14